Are kya bhai log aur Ladaki log kaisa hai tum ? bole tou mast hai na ? apun bhi ek dum thik-thak hai...Are yaar apun 10-15 din ke waaste bahar kya gaya piche se ye taapu wale ne mera photo iz chaap dala kya? main aaya tabtak gayab ye theek nahi yaar....bole tou dekhne ko bhi nahi mila...chaalo koi baat nahi tum logo ne dekha tou bas ho gaya apna...Bole tou ye sab tum logo ka pyaar hai jo apun ko itna izaat-vizaat mila....abhi uske liye thank u nahi bolega main...vo kya hai thank u bole tou  bahut choota word hai yaar...aur ye friendship main thank u-sorry nahi chalta na bhidu....In short...bole tou tum sab logo ko bhi apun ki taraf se Ganpati bappa ke stomach ke jitna pyaar.....abhi nikalta hai main...are ganpati viserzan karne ka hai na baba.....jaldi aayenga main.. 

Kaisa hai tum bhai log ?? bole tou ek dum mast hai na….mein bhi mast hai…Nahi re pakiya wo kya hai na ki apun last ek week se Taapu wale dosto ke blogs padhne mein bizi thaa. Malum hai na tere ko ki blog kya hota hai….last time bola tha na woiz…iss baar apun ne kaafi story padha…bole tou ek se ek…mast story..malum nahi re kidhaar se laate hai ek dum zhakaas bole tou mast mast stories apun ke dost log?? Lekin jo bhi ho guru knowledge bahut increase ho gayela hai apun ka…abhi tere ko ek raaj ka baat bolu… Apun ne bhi ek mast story likh dala baap…bole tou sachhi…a re  yaar wo abhi tak chaapa nahi  hai re apun ne.. socha pahale tere ko sunayega phir chaapega…chal wo side mein baith ke bolta hai tere ko…..bole tou ek dum silent rahane ka…apan ka story start horela hai kya……..Tou Pakiya ek tha Thirsty Crow…bole tou ek dum apan ke local kavve ke maafik…wo iz black colour..vaise iz kaav-kaav karne ka…lekin ye tha Thirsty Crow….abhi ek din masti karte-karte bahut lamba nikal liya baap….Lamba bole tou ek dum door nikal liya guru…abhi garmi ka time tha…50 degree temperature  chalu tha.. Thirsty Crow ko paani ka pyaas laga…bole tou climax start….Ussne dekha iylla ye kya ho gaya…mein tou paani ka bottle  lana bhool hi gaya…paani nahi tou kam se kam beer ka tou bottle laneka iz tha…lekin bad luck wo bhi nahi…abhi kya karne ka?? Idhaar udhaar dekha .. ye kya ek dum naya jagah..ek dum dry area…abhi kya karne ka…tbhiz uske dimag ka chota ghanti baza…bole tou nikala usne apna mobile aur ghumaya number apne dada ko…bole tou Grandpa ko…wo bhi ISD…bole tou uska grandpa golden jubble manane ke waste London gayela tha bhidu…a re ye woiz mahanayak hai jisne poore kavve jaat ka naam world mein famous kiya aur inko ISO 1950 ki intelligency ki list mein darz karwaya bole tou listed karwaya haaaa….Tou chal aage sun phir Thirsty Crow ne bola Hello! Grandpa…udhaar se aawaz aai bol Thirsty…Kaisa hai tu?? Thirsty bola dada ek locha ho gayela hai…eisa bol kar isne poora story bol dala…udhaar se grandpa ne bola ki kai ko phikar karela hai tu…history phir repeat ho rela hai…tu bhi woiz kar jo apun ne 50 baras bole tou 50 saal pahale kiya tha…bole tou paani ka kam bharela ghada search karne ka..phir kankar lane ka…usmein tapkane ka …paani pine ka aur nikal lene ka…Thirsty bole ok grandpa aur nikla paani ka matka search karne ko…abhi Pakiya tuiz bol ki aajkal ke jamane mein kon inke bare mein sochta hai …wo dekh saamne ki buldg. Mein kitne  saare flats hai…lekin ek bhi flat wale ne in birds ke liye paani bharke nahi rakha yaar…very sad...abhi sun Thirsty bhi pareshaan bole tou paani ka ghada kidhaar bhi nahi…phir..phir kya bahut hangama machaya usne udhaar…ye ghar mein wo ghar mein 4-5 ghar mein ghanti mara usne…bola paani chahiye…ghada chahiye..phir kya ek aunty ne apne ghar ke poore pani se bhare ghade ko ¾ khali kiya aur rakh diya uske saamne.. abhi thirsty khush bole tou history is repeating…laya idhaar-udhaar se kankar aur dala ghade mein 4-5 kankar…abhi jaise hi usne mundi dala usmein tou chakkar kha gaya wo…bole tou paani uppar ki bazay nichu jarela tha..iyylla ye kya ho rela hai? Lagaya mobile wapis apne grandpa ko aur bataya problem….abhi grandpa kya bola usko ki Thirsty beta hamare time mein sab quality maal milta tha..bole tou milawat nahi tha… abhi quality stuff ka jara problem hai shayad isi ke waaste ghada phoot gayela hoga… abhi Thirsty pareshaan…socha ye history vistory ke chakkar mein nahi padne ka…aur ye soch ke usne direct ghade ko nichu se choch mara..idhaar mara choch aur udhaar nikla paani…Thirsty ho gaya khush aur gata gat mara paani….phir bole tou phoorrrrrrrrr…

In short…bole tou Moral of the story :

1)      kabhi bhi lamba nikalo tou paani / beer ka batli saath mein rakhne ka….

2)      Ye platform hai dosti ka isliye sabhi jagah ke dost banane ka kya…aur koi dost iasa iz ghoomta hua aajaye tou help karne ka…tabhi tou honga dosti ka testing…

Bole tou story khatam…………..         

Are o Pakiya idhaar baith jaldi se idhaar baith…apun ko tere se ek mast baat bolne ka hai…Are apun ka tou sir ghoom rela hai baap….yaar kal ka baat hai ye apun computer pe idhaar-udhaar dekh rela tha ki tabhiz apun ko udhaar Chaat ka kholi mila bole tou idhaar aane ka aur chatting karne ka kya…a..re wo wala chat nahi  re bole tou computer pe chaat karne ka….chaating chaating samjha…nahi samjha kaise samjhega tere ko jab apun ko ye samajhne me akkhaa din lag gaya tou tere ko abhiz kaise samjhenga yaar…chal chood aage bolta hai phir a re tere ko malum ye ek dum alag iz hai , alag bole tou ye taapu wale ka dhandha alag aur wo chatting wale ka alag…are ha re mere ko lagta ki ye chatting wala uska chota bhai hoinga lekin kya dhandha phaila ke rakha hai ree bole tou ek dum Mumbai ki local train ke maafik…kon kidhaar jarela hai kidhaar se aarela hai kuch malum nahi…are baap phir kya apun ne bhi de-ring kar dala..iylaa ghoos gaya chaating kholi me…TMK..are jaise hi apun ghoosa ki kya dekhta ye Mumbai,Pune, dehli , Chennai ,Jaipur,  Bangalore….aur tou aur forign ke bhi…ha baap forign ke bhi Item log sabhi jagah ke item log…a..re pakiya apun tou patang ki dori ke maafik hilne laga yaar…bole tou kidhaar jaane ka…kya karne ka…phir..phir kya socha sala tension nahi lene ka khali…ha..deneka…bus  phir kya thoda idhaar udhaar dekha aaur kiya apun ne entry ek  kholi me…bole tou ek dum direct…iylaa…jawab bhi ek dum direct…bole tou ek dum fast …lekin sala bahut locha hua yaar…wo kya hai usne hello vello kuch bhi nahi kiya yaar…abhi dekh kuch tou bhi system hona mangta na…bole tou hello!..kaisa hai tu?? Ghar var pe sab theek tou hai na ?? nahi kuch bhi nahi yaar…kya likha malum tere ko….abhi jab tak me bolega nahi tou tere ko kaise malum hoinga yaar tou suun usne likha….UR ASL…abhi apun ka khopdi ghoom gaya baap…ye kya?? Iska meaning bole tou kya?? Teri kasam…are tou kab tak ma ka kasam khayega re…sachhi akhaa directory chaan mara me lekin iska meaning kidhaar bhi nahi yaar…abhi kya karne ka?? Phir kya sidha bol dala usko ki barobar nahi likha….bole tou spelling mistake hai…wo boli ye mistake ka problem nahi hai …tum naya hai ye problem hai…..idhaar sab code me likhata hai aaur ASL bole tou Area…Sex …Location…..phir kya chakkar tou aana iz tha…abhi dekh me tere ko pakiya pakiya karke bolta hai tou ye samne wale ko kya malum ki tera naam Pandurang Kishanlal Yadav hai….barabar hai na….phir kya me bhi likha….MMM….wo boli ye kya?? Me bola ye bhi code me hai….bole tou Mumbai…Male….Mulund…. lekin itne me tou usne 3-3 bar shocked ! shoked! karke likh dala…apun ne pucha bhi ki kya problem ho gaya yaar….jo hai woiz likha na re baba….wo boli bahut time lagata hai tu…..iyllaa me bola usko ki dekh tera trigar 100 ki speed se chalta hai na tou apun bhi 200 ki speed se phone pe bol sakta hai kya…Dhire-Dhire gaadi patari pe aaya…bole tou 2 ghanta apun logo ne baat-chit kiya….apun ko laga ki abhi mamla ek dum fit….bole tou dosti paaki….jaise hi usne apna mobile no. diya ki me joor se uchaal ke bola ki eee pinto idhaar baithe sab logo ko apun ki taraf se coldrink pilane ka….jaldi se….apunka collar ek dum tiet………Lekin ye story ka ending kuch suspense ke maafik ho gaya yaar…..bole tou “joor ka jhataka dhire se” ….wo jo mere ko lagrela thaa ki wo boli-wo boli…..lekin wo tou bola –bola tha re….bole tou apun ko tou ek dum fullto bana dala usne… chatting bole tou cheating…….chal ho gaya tou ho gaya yaar tu udaas kaiko horela hai….A re aayenga apunka bhi ek din….tabtak mast rahane ka bole tou ek dum bindaas…….     

Aree o Pakiya….kidhar tha re tu…aree do din se dhund rela hai me tere ko …aree me kidhar bizi re piche ke do din se me tou ek dum khali…bole tou apun ka dhandha bhi ek dum thanda aur upper se ye Popat bhi gaon ko gayela tha….a..re.. ye computer wala re.. pu re dimag ka dahi ban gayela tha mera…ek taraf ye taapu wale ka mobile pe message par message aur udhar upper se ye barish….are tou barish bole tou upper se hi ayenga na re…ma kasam ek din tou dimag ko ice ke maafik thanda rakha me lekin dusre din apun ka khopdi ghoom gaya abhi kab tak iase iz baithe ga me…phir kya final soch dala ki mobile computer le hi dalega me bole tou …ha…Laptop..vo iz le dalega..phir kya no tension kidhar bhi baithne ka aur kaam pe lagne ka kya..phir, phir kya apun ke area me wo hai na re bada kanch ka showroom jidhar angraz log tie-vie latka ke baithte hai bus ghus gaya apun udhaar..bola pahachan ta hai na apun ko?? Tou phataphat ek mast Laptop de dal ne ka…wo kya bola malum tere ko?? bolta hai 50000/- counter pe dena padenga….abhi apun ka khopdi mandir ke ghante ke maafik tan-tan..me bola apun ko ye 18 inch ka machin mangta hai kya..tere showroom ka kimat nahi pucha me…tou kya bolta wo…theek hai agar jyada hai tou bhi phikar nahi karo instalment me dene ka…aree pakiya…bole tou Hafta bharne ka….wo bhi mere ko…abhi apun ek dum lal..bola usko tere ko malum me logo se hafta leta hai aur ye apun ka dhandha hai kya…aur tu apun se hafta ki baat karta hai.. ja tere seth ko bol ki apun ayela hai idhaar….wo kya bolta malum bola ye mera nahi meri company ka dhandha hai aur mera seth Amerika me baithta hai bole tou USA me….Iylaa ye tou apun ka bhi guru nikla yaar..abhi apun ka bhai tou Dubai me hai aur ye tou uaska bhi baap re…socha jyada panga vanga nahi lene ka kal agar baat badhega aur kahi bhai-vai ko malum huva tou  lafda alag se….vaise bhai ko tou apun samjha dega…bolega ki bhai abhi apun ke dhandhe me competition bahut bhad gayela hai aur uske vaste apne ko network badhana iz padega…aur wo me already chaalu kiya hai idhaar…bole tou karib 100 ka gang tayaar kiyela hai ye taapu pe me..aur in sab ka achaa hold bhi hai idhaar….bole tou ye sab apne field me ek dum master log hai….lekin Pakiya phir socha abhi thoda jaldi ho jayega…aur phir socha apun ki vajah se ye Popat ka bhi dhandha  achaa chal rela hai tou kaiko uske pet par laat marne ka….bus ye iz soch ke ye Laptop ka kida thode time ke vaste nikal dala me….

Aree Pakiya tere ko bataya kya me ki apun ne ye taapu pe ek Guru bhi bana dala re…bole tou bilkul apun ki pasand ke maafik….are bolta hai na wo kya hua ki ek din apun idhaar udhaar ghoom rela tha ki achanak bole tou ek dum achanak apun ko apun ki ek girl friend ke ghar pe….abee tu mere ko iase kai ko dekh rela hai aree yaar abhi koi ladki apun ka dost banega tou usko apun kya bolega nahi nahi tu bata apun usko kya bolega…girlfriend hi bolega na phir…khali phokat tension nahi lene ka kya…ha tou sun kidhar tha me …ha.. apun ko apnki ek girlfriend ke ghar pe ek babaji ghoomta huva mila..are photo tha na uska udhaar …ye lambi lambi dadhi aur baithe baithe dance bhi karela tha …iylaa (TMK has ne ka…bole tou Taali Mar Ke has ne ka) phir kya lag gaya apun bhi uske pichhu abhi wo aage aage aur apun uske pichhu pichhu… bole tou adha ghanta uska pichha kiya me phir ja ke apun ne pakda usko bole tou unko…abhi guru banaya hai tou izzat vizzat bhi dene ka na baba…ha tou sun phir me gaya direct unki kholi pe direct bole tou direct…aree baap itani badi gang bole tou kitne bhakt…aur kya likhta hai yaar wo…bole tou ek dum zhkaas bilkul morden….apun samajh gaya apne ko isa iz guru banane ka….bole tou ek dum stylish…phir kya apun ne tou pakad liya unka panv…bola abhi nahi choode ga me …tumko apun ko bhakt banana iz padega  phir kya re bole tou done….apun ki life ka pahala guru...Photo bhi lagayela hai uppar.. bole tou ek dum stylish…….

are aata hai na re baba…chal abhi me idhaar se satakta hai kya…

Are ha milta hai na tere ko bole tou ek dum jaldi….ok

Oye Pakiya…..yahooooo…….a..re apun ka tou life set ho

gaya yaar , Bole tou ek dum fit…are tere ko malum  apun ke

kitne naye dost bangayele hai..dost bole tou ek dum Hi-Fi..

haa aaur girlfriends bhi…apun ka life abhi ek dum patari pe

aagyela hai, apun sala ek chota sa kholi banana ke vaste iss

taapu  pe aaya tha lekin mere kholi ko mere idhaar ke dost

logo ne apne pyaar se ek dum bungalow ke mafik iss ko saza

diya ree…Bole tou ek dum jhakaas….. aree tere ko malum

apun 2 din tou ek dum tension me tha…bole tou abhi kya

karne ka, kaise baat-vaat karne ka…phir socha tension lene

ka nahi khali …haa dene ka.

Phir kya khali naam  padhane ka aaur dosti karne ka bole tou

friendship haa …(ye abhi me idhaar pakiya se taali mar ke

hansrela hai tou tum bhi hansne ka…abhi iasa karne ko

likhte kaise ye apun ko nahi malum  baap…)aree Ma kasam

kya likhate yaar log idhaar…Kammal… Bole tou kya

kavita…ek dum romantic tou koi ek dum sad … main eek

dost ko bola bhi ki yaar rone vone ka nahi…tou malum kya

bola mere ko..nahi vo mai nahi batayenga….secret haa kucha

tou secret rakhana mangta na baba… bus tu itna samajh lene

ka ki vo ek dum theek bola bhidu…chal  aage kya hua malum

tere ko…Haa Haa bolta hai na apun tu ghode pe baith ke

chabuk kai ko marelaa hai mere ko…ha tou sun Kidhar tha

mai…haa.. tere ko malum ye taapu pe me Mumbai se

ghoomte ghoomte Luckhnow aaur phir udhar se Delhi pahuch

gaya pakkya  haa Dil walo ki Delhi aaur udhar ek ladaki ka

naam dekha haa malum kya naam tha uska…nahi…kuch tou

secret rakhana mangta na re baba…Lekin photo kuch alag tha

yaar.. mere ko samajh me nahi aaya… jane de bade bade log

vadi vadi baate…oye dekh me tou panjabi bhi bolna chalu

kiya re…apun ki tou nikal padi dost…phir are phir kya …

paisa khatam ho gaya yaar…2 ghante ka paisa diya tha uss

computer wale ko…are lekin kahani khatam kidhar…jab mai

raat me khaya piya aaur sone ko gaya….tabhiz…bole tou

tbhiz mere mobile ka ghanti baza…bole tou message… apun

ko laga ki BHAI ka message hoinga…lekin

p..a..k..i..y..aaaa…bole tou dhaamal…ye taapu wale ka

message..bola ki koi ladaki apun se kuch kahana chahati hai…

are baap apun tou pura pasine main naha liya re….abhi

aakkha Mumbai me ghooma kidhar tou bhi computer ka

dukaan chaalu hoinga…per sala sab bakwaas…iyalaa inki

tou…chal chood …phir ..phir kya wo apna pinto hai na raat

ke 2 baze uasko jagaya.. thoda request vquest kiya…bola

hafta vafta nahi lenga tere se tu chaalu kar…are computer

yaar…Ye sala apun se request vquest nahi hota yaar…dil kiya

ek kaan ke nichu dene ka usko…are pinto ke re tu bhi sala

bhopu hai pakiya…phir…phir kya apun saari raat nahi soya

reeee meri life ka pahala message……..Bole tou hip hip

hurreeeeeeeeeeeeeeeeeeeeee ! abhi chal nikalta hai me…Bole

tou satakne ka kya….       

Hello! Dear Friends & Sweet Girlfriends....

Ee Bhai log ab apun idhhar aa gaye la hai kya...Bahut idhar udhar kam kiya aaur masti bhi kiya phir

socha thod emage bana lene ka.. ek chota kholi bhi iss taapu  pe bana lene ka.. kya...bus phir kya

me pahuch gaya idhhar. Sachhi bole to Koi to bhi bola mere ko ki iss taapu pe log bade bade

banglo me rahate hai ... badi badi baate karte hai..... koi country ke bare me to koi pepsi ke bare

me likhta hai.... koi apun jaise garib ke bare me to koi khud ke bare me likhta hai.....To socha  ki

apun bhi khuch likega...kuch to bhi bada... aaur phir apna bhi chota mota nam hoinga.....phir me

usko bolega ki dekh abhi mera class bahut alag kya...bole to ek dum hero ke mafic...ek dum solid

emage kya....are yaar thoda emage-vmage to sudharne ka na..... phir pakkiya, sonu , mangli ,

bhopu sab pe rob jhadne ka kya... bole to ek dum stailish ban ne ka kya....

Chal abhi apun likhna vikhana band karta hai kya......tum logo ko pasand aaya to thik...nahi aaya to

bhi thik bolne ka kya...Haaa... Bole to ek dum bindass..